“Чингис хаан” Олон улсын нисэх буудлын үндсэн үйл ажиллагааны нэг хэсэг нь аюулгүй ажиллагаа гэдэгтэй хэн бүхэн санал нийлэх бизээ. Тиймээс тус байгууллагын удирдлагууд /Захирал, дэд захирал, газрын дарга нар/ бид нисэхийн үйлдвэрлэлийн үйл ажиллагаан дахь аюулгүй ажиллагааны гүйцэтгэлийг хамгийн өндөр түвшинд хүргэх, шаардлагатай эрх зүйн зохицуулалтаар хангах зорилгоор байгууллагын бодлогын дагуу нөөц бололцоог зөв хуваарилан, үйл ажиллагааны байнгын сайжруулалтыг тодорхойлох, хэрэгжүүлэх үүрэг хүлээж, хөгжил дэвшлийн цөм нь болж ажиллах нь чухал болно.

Тиймээс аюулгүй ажиллагааны үүрэг, хариуцлагыг ухамсарлан ажиллах удирдах албан тушаалтан бид Нисэх Буудлын Аюулгүй Ажиллагааны Удирдлагын Тогтолцоог бүрдүүлэн, хэрэгжүүлэхийн тулд дараах үүрэг, хариуцлагыг хүлээнэ. Үүнд: 

1. Байгууллагын соёлын үр дүн болох аюулгүй, найдвартай үйл ажиллагааг үзүүлэх, аюулгүй ажиллагааны мэдээ, мэдээллийг дамжуулах тогтолцоо болон харилцаа уялдаа холбоотой ажиллах, нисэх буудалд хэрэгждэг бусад удирдлагын тогтолцоонд анхаарлаа хандуулдагтай адил аюулгүй ажиллагааны үр дүнд анхаарлаа хандуулж, байгууллагын бүх нөөц бололцоог зохистой хуваарилж аюулгүй ажиллагааны удирдлагыг дэмжих;
2. Аюулгүй ажиллагааны удирдлагын үүрэг хариуцлага нь нисэх буудлын удирдалга болон нийт ажилтнуудын үндсэн үүрэг байх;
3. Нисэх буудлын аюулгүй ажиллагааны удирдалгын гүйцэтгэл болон үйлдвэрлэлийн аюулгүй ажиллагааны гүйцэтгэлүүд дээр ажилладаг удирдах албан тушаалтан, ажилтнуудын үүрэг, хариуцлагуудыг ойлгомжтой, зөв тодорхойлох;
4. Аюулгүй ажиллагааны гүйцэтгэлийн байнгын сайжруулалтад хүрэхийн тулд үйлдвэрлэл болон үйл ажиллагаанд байгаа аюулын үр дагавруудаас үүсэх эрсдлийг бууруулах, арилгах, аюулыг тодорхойлох ба эрсдлийн удирдлагын үйл ажиллагааг тодорхойлон хэрэгжүүлэх мөн аюулын талаар мэдээлэх тогтолцоог бүрдүүлэн хэрэгжүүлэх;
5. Үйлдвэрлэлийн үйл ажиллагаан дахь аюулгүй ажиллагаатай холбоотой асуудлуудыг илрүүлсэн, мэдсэн, гаргасан ажилтнуудыг “Аюулыг мэдээлэх тогтолцоо”-гоор дамжуулан сайн дураар мэдээлсэн тохиолдолд тэдэнд аливаа шийтгэл оногдуулахаас татгалзаж, харин ч нуугдмал аюулыг илрүүлсний төлөө урамшуулан дэмжих ба мэдээллийн нууцыг чандлан хадгалах;
6. Нисэх буудлын үйл ажиллагааг гүйцэтгэхдээ холбогдох хууль дүрэм, журмыг дагаж мөрдөх ба аюулгүй ажиллагааны стратеги болон үйл ажиллагааг хэрэгжүүлэхэд чадварлаг хүний нөөцөөр хангах,
7. Нийт ажилтнуудыг иргэний нисэхийн аюулгүй ажиллагааны талаар мэдээллийн болон холбогдох сургалтуудад хамруулж, аюулгүй ажиллагааны үйл хэрэгт өөрсдийн оролцоо, үүрэг хариуцлагыг ухамсарлуулах, тэдгээрийн ур чадварт тохирсон үүргий хуваарилах;
8. Аюулгүй ажиллагааны гүйцэтгэлийн зорилтот түвшингүүд болон аюулгүй ажиллагааны гүйцэтгэлийн үзүүлэлтүүдийг бодит байдалд үндэслэсэн нисэх буудлын аюулгүй ажиллагааны гүйцэтгэлийг тодорхойлох;
9. Аюулгүй ажиллагааны зорилго, зорилтуудад хүрэхийн тулд байнгын хяналт шинжилгээ, хэмжүүрийг хийж, тогтмол хяналт тавин НБААУТ-нд байнгын сайжруулалт хийх;
10. Нисэх буудалтай хамтран ажилладаг төрийн болон төрийн бус байгууллагуудын үйл ажиллагаа нь аюулгүй ажиллагааны стандарт шаардлагыг хангасан байх; 

Нисэх буудлын үйл ажиллагаа нь хамтран ажилладаг төрийн болон төрийн бус байгууллагуудийн хамтын үйл ажиллагаа дээр тулгуурладаг тул удирдах албан тушаалтан та бидний хамтын хүчин зүтгэлээс шалтгаалж ирээдүйн амжилтын эх тавигдах учиртай.

Та бидний хамтын ажиллагаанд өндөр амжилт хүсье.